2024 жылғы 22 қараша күні КМҚК «Балауса-Балғын» бөбекжайында мобильді топтың жоспары бойынша «Заттық дамытушы ортаны құру жолдары» тақырыбында мектепке дейінгі ұйымдардың аудандық көрмесі өтті. Көрмеге мектепке дейінгі ұйымдардан 42 педагог қатысты. Көрмені аудандық мектепке дейінгі білім беру ұйымының әдіскері Оразғалиева Айжан Серікқызы ашып, көрмені ұйымдастыру мақсатына жан-жақты тоқталып өтті. Педагогтарға мектепке дейінгі ұйымдарда заттық дамытушы ортаны қалай құру керектігі туралы әдістемелік көмек берілді. Балабақша психологы Шомбинова Сауле Бақытбекқызы келген педагогтармен тренинг өткізді. Көрме соңында педагогтар QR код арқылы кері байланыс жасап, ұсыныс пікірлерін білдірді.