Құрметті ата-аналар! 2025 жылдың 1 тамызынан бастап Шығыс Қазақстан облысында балаларды мектепке дейінгі ұйымдарға қабылдау басталады.

 Бос орындар balabaqsha.snation.kz порталында жарияланады: 01.08–05.08.2024ж. аралығында – мәртебелі (льготный) қолжетімділікте; 06.08.2024ж.-дан бастап – жалпы қолжетімділікте. КМҚК»Балауса-Балғын» бөбекжайы мектепке дейінгі ұйымға қабылдау бойынша бос орындарын аталған портал арқылы ұсынады. Электронды жолдама balabaqsha.snation.kz порталында жеке беріледі. Жолдама 5 жұмыс күні ішінде жарамды, осы уақыт аралығында балаңызды медициналық тексеруден өткізу қажет. Жолдама алғаннан кейін портал арқылы келесі құжаттарды тіркеп, «Балабақшаға қабылдау үшін құжаттарды қабылдау» қызметіне өтініш беру керек: № 065/е нысанындағы профилактикалық екпелердің картасы; № 052-2/у нысанындағы «Бала денсаулығы паспорты»; № 027/е нысанындағы анықтама; ПМПК қорытындысы (мүмкіндігі шектеулі балалар үшін) – электронды нұсқада;

 Қажетті анықтамалар тиісті мемлекеттік органдардан, құқық қорғау органдарынан, денсаулық сақтау салалық қызметтерінен алынған жағдайда, портал автоматты түрде өзі сәйкестендіріп тіркейді.

Назар аударыңыз! Медициналық тексерулерді жолдама алған 5 жұмыс күні ішінде ғана өткізу қажет. Уақыты өтіп кеткен жолдама жарамсыз болады. Балаңызды КМҚК «Балауса-Балғын» бөбекжайына орналастыруды жоспарласаңыз, жоғарыда көрсетілген мерзімдер мен талаптарды мұқият қадағалауды сұраймыз!